حاولت اعيش مع الاماني في سلام

لقيتني اضيق والا هي تضيق !

انا الغريق اللي يدور عن الوئام

مع البحر حتى و لو انه غريق

ياصبر انا المأموم والا انا الأمام؟

انا الغريق انا الطريد انا العشيق

انا ابتسام الرد على الابتسام

ودمع الشقيق ليا انحدر على شقيق

هذا الكمال اللي تشوفه من حطام

هذا القسى اللي تشوفه من رقيق

الشمس ترسل نورها على الانام

وهي من الداخل متاهات وحريق

على ابواب الملك .. ألد الخصام

باقي شوي ويسقط الملك العريق

اجارتك يارب من صغر المقام

في ساعة يدور بها الحلق ريق

مانيب خايف من ضياع ومن ظلام

اخاف اوقف وانا في نصف الطريق

?