العب حديد تخيل العب حديد

ماهو على شان الجسم

ولاهو على شان النسم

عشان هالراس العنيد

العب حديد واحاول يمر العمر

من العمر .. واقصر مديد

واقول لا طاح الارق

مع العرق.. هل من مزيد

انا حياتي ما يشابهها على الدنيا حياة

هي موت .. في داخل حياة

وان قلت آه .. قالوا يا شاعر

عيد.. عيد

ليت الشعر .. شهرة وحب ومعجبة

ان كان كل بيكتب

لكنه الشي الوحيد

اللي يحرض صاحبه يحب كل الناس

ويخالطهم ويبقى وحيد

تدري متى الانسان يشعر بالحزن

ليا عمل كل شي ممكن يشعره انه سعيد

ولا شعر انه سعيد

اليا وقف فوقه مزن

واليا انتثر تحته مزن

وقالك مامن جديد

هذا الحزن

هذا الاكيد

كني استهلكت في صغري متع كل العصور

مفروض بقّيت لنصف عمري قليل من الشعور

احس باحباط وفتور

في اني اكون اتفه من الموجود

او العب حديد

فالافضل اني العب حديد

?