الاسف من بعد جرحك جرح ثاني
وانا شكفيك انت ولا اكفي جروحك؟
ماعرف شللي على دربك رماني
بس اعرف اني اعاني من جموحك
انا مشكلتي احبك وبتفاني
وانت مشكلتك متعرف وش طموحك
كل يوم تسوق قلبي للمواني
ولا بديت ارحل تقول ارحل بروحك
عمري اكبر من رجاك ومن حناني
صعب اعيش افرز غموضك من وضوحك
لاتجمّل وانت من داخل اناني
داخلك لو تستره ..وجهك يبوحك
تبي وجهك مشرق احلام واماني؟
قبل وجهك ..فكّر بتنظيف روحك
Comments
Post a Comment