عيون قلبي من عنـا البعـد تبكيـك

وعيون وجهي ماأذرفت دمع فرقـاك

الأوله ؟ من كثـر ماأفقـدك وآبيـك

والثانيه ؟ خوفٍ من إعداي وإعـداك

سنه وبضع شهـور أرقـب ملافيـك

لكـن لا ذا الحيـن مـازان ملفـاك

تعـال واجمـع ماتشـتـت بيـديـك

وإبن الهدام اللـي نتاجـه خطايـاك

تعـال ياغيمـي برعـدك وضاويـك

وأمطر على أرضٍ مابها غير الأشواك

الشوق والحرّه ببعـدك... وناهيـك؟

عـن هاجـسٍ ماياتـي إلا بطريـاك

على ليال البعد صـارت مساريـك؟

وانا مساريّه على عكـس مسـراك؟

ياصاحبـي ماهـو كـذا الله يخليـك

شـرع المحبـه لا تماديـت ينهـاك

ياللي حلا السكر نبع فيك مـن فيـك

وياللي مضاويح البدر مـن محيـاك

تقـول أحبـك لا بعـد ميـتٍ فيـك؟

وإنتـه تجرعنّـي مـرارة جفيـاك؟

إلحق على من هـو يحبـك ويغليـك

وبعرف مدى حبـك ليامنـه أمـداك

?