بديـت بـسـم الله عـالـم مكـنـي

واعـوذ بـه مـن الوجيـه البغيضـه

مـن بعدهـا ياهـاجـسٍ ممتحـنـي

مـن يـوم ماحولـت يـم الحريضـه

قمـت آتذكـر مـن بسيفـه طعنـي

طعنة قفا .. ماهـو بطعـن النقيضـه

نشدت نفسي حيل : وش جاه منـي ؟

وكان السبب حسد القلـوب المريضـه

انـا اشهـد ان مفارقـه ماشحـنـي

هو المشتحن .. من هو بمثلي يعيضه ؟

وفيت له وأخلصـت لـه بـس كنـي

اصلي السنـه .. واخلـي الفريضـه

كنـت انقهـر لاجـا لهزلـه يـدنّـي

وش دخل معوض بـزلات عيضـه؟؟

خلـه معـا اللـي ناسبـوه امتهـنـي

(( يالقينقاع أفرح بربعـك قريضـه ))

ماجـي مجالسهـم وأأكــد وأثـنـي

إلا اذا جابـو مـن الديـك بيضـه ؟

انا مع اهـل الطيـب اناسـب لأنـي

طليـق يمنـى مـن قبيلـه عريضـه

وعزالله الوالي ..على صغر سنـي ؟

نجمي بعين الكفـو يعكـس وميضـه

أحمـي مواقيفـي ولا خـاب ظـنـي

مثل اسهلي يحمـي حـدود الرويضـه

شاعر ولـي طرقـي وذوقـي وفنـي

ولبيـه ياشعـري ببـرده وقيـضـه

خـذ الخبـر ياصـاح منـي وعنـي

تدري وش اكثر شي قلبي.. يغيضـه ؟

أنــه يغـنـي الـواحـدٍ مايغـنـي

وانـه يعاشـر لـه قلـوبٍ مريضـه

?