المقابلة الشخصية للوظيفية (ارشادات سريعة)

السلام عليكم

بااختصار المقابلة الوظيفية هي كيف تكون منافقاً فطبيعي لن ترتاح في اجوبتك لكن للاسف هو شئ مطلوب

لقد حضرت دورة وكانت عبارة عن قواعد يجب اتباعها والا سوف يتم رفضك

وسوف اذكرها لكم باختصار (طبعا مفيدة للي عنده مقابلة اليوم او غداً لان لاحظت شروحات ومقالات تاخذ معك اسابيع ولا يشرحون الشئ المهم)

في البداية المظهر..

يجب ان تلبس شئ رسمي جداً وتلبس جزمة(وانتم بكرامه)

وتكون محلق (او محدد اللحية)<<شئ مهم

وشئ مهم اذا مقابلة بالسعودية شئ مهم تلبس شماغ او غترة وثوب

الثوب يكون نظيف وتغلق الزر عند الرقبة (لان كثير مايغلقه لكن شئ اساسي في المقابلات)

والشماغ يكون شكله مرتب ومكوي ومشخص كانك في يوم عرسك :)

وطبيعي تتعطر (البعض يمكن يقبلك للوظيفة من عطرك :))

ثانياً اول ماتدخل المقابلة

سلم عليه وعرف بنفسك وقول ليش جاي 

مثلا

السلام عليكم معك فلان الفلاني مترشح لوظيفة في الاتصالات

ثالثاً ثقف نفسك

معنى اعرف الشركة واعرف دور الوظيفة

مثلا اذا خدمة عملاء

توقع 100% راح يجيك سؤال "ماهي خدمة العملاء ممكن تشرج لنا؟"

حضر لهذي الاسئلة :

تكلم عن نفسك؟

(قول اسمك عمرك الشهادات والخبرة ...الخ)

ليش اخترت شركتنا؟

ماذا تعرف عن شركتنا؟

ماهي نقاط القوة عندك؟

ما هو هدفك الوظيفي او المهني؟

ماهي نقاط الضعف لديك؟(طبعا جاوب بنقطة ضعف تعجبهم مثلاً قل انا شخص بارد قليل اعصب)

ا

رابعاً اشياء ابتعد عنها

"ماادري او ماعرف" هذي شلها من قاموسك في المقابلة

بااختصار لو تدقق في الاسئلة جميعها اسئلة عامة ممكن تعبر وتألف قصص عند الاجابة عنه

جاوب وتفلسف لو ماتعرف الشئ اللي تتكلم عنه

ابتعد عن تحديد الراتب برقم حتى لو سئلك كم تبي الراتب

 حاول تتهرب قل كم الحد الادنى لرواتب لديكم والحد الادنى؟

اذا جاوبك قل ببساطة بهذي الحدود ما في بالي رقم معين

احذر من سؤال نقاط ضعفك حاول تجاوب بشئ يكون ميزة لهم

وحط في بالك لايسئلون عنك هم يسئلون عن انفسهم

مثلاً في سؤال ماهي نقاط القوة لديك؟

السؤال بالحقيقة هو "لماذا نوظفك في شركتنا؟"

فمثلا قل الصبر وتحمل ضغوط العمل

اخيرا نهاية المقابلة

توقع في نهاية المقابلة يقولك عندك اي سؤال استفسار

شئ مهم اختم المقابلة بسؤال حتى لو كانت الامور واضحه وعارف الاجابة

مثلا اسئل

هل فيه دورات عن طبيعة العمل قبل الوظيفة؟

اذا جاوبك

قل ما نستغني عن توجيهاتكم وخلاص سلم عليه واطلع..

هذي الاشياء اللي حضرت في ذهني واختصرتها لكم...

وبالتوفيق...